عربی پراٹھے
بہت فرمائش کی جارھی تھی بنانا بتا رہی ھوں لیکن یہ پراٹھا کافی پریکٹس سے بنتا ھے
اجزا
قیمہ دو کپ یا ایک پاؤ
میدہ تین کپ
سوجی آدھا کپ
نمک حسب مرضی
چینی ایک ٹی اسپون
ادرک لہسن ایک ٹی اسپون
لال مرچ آدھا ٹی اسپون
ھلدی کواٹر ٹی اسپون
انڈا ایک عدد
دودھ آدھا کپ
ھرا دھنیا آدھی گھٹی باریک کٹا ھوا
ھری مرچ تین عدد باریک کاٹ لیں
گھی یا تیل تلنے کے لیئے
ترکیب
قیمہ دھوکر چھلنی میں رکھ دیں اور پھر قیمہ میں ادرک لہسن لال مرچ ھلدی نمک ڈال کر ھلکی آنچ پر کسی کڑاھائی میں ڈال کر اتنی دیر پکائیں کہ قیمے کا پانی خشک ھوجائے اور بھنا ھوا سا ھوجائے
میدے کو اور سوجی کو چھان کر اس میں چینی اور نمک ملاکر ایک چمچہ گھی یا تیل ملا کر ھاتھ سے مکس کریں اس طرح کہ بریڈ کرمز کی طرح ھوجائے پھر تھوڑا تھوڑا دودھ شامل کرکے گوند لیں اور گرم جگہ پہ دس منٹ رکھ لیں
قیمہ ٹھنڈا کرکے سارا ھرا مصالحہ باریک کاٹ کر ملالیں
گندھے ھوئے میدے کو دوبارہ گوند کر تھوڑے بڑے سائز کے پیڑے بنالیں
پیڑے کی بڑی سی چپاتی بیلیں اس پر قیمہ پھیلاکر رکھیں اور ایک انڈا توڑ کر قیمے پر پھیلاکر ڈال لیں
آپ انڈے کو پھیلے پھنٹ کر بھی پھر ڈال سکتے ھیں اگر ایک انڈا زیادہ لگے یعنی چپاتی کی کوروں تک آئے تو تھوڑا کم انڈا ڈال لیں
اب چاروں طرف سے لپیٹ کر چوکور کرلیں اور پھر تھوڑا سا بیل کر گرم توے پر ڈالیں تیل ڈال کر ہلکی آنچ پر سیکنیں اور بہت احتیاط سے پلٹ دیں
دوسری طرف سے بھی اسی طرح سنہرا کرلیں اچھی طرح سینک کر پلیٹ میں نکال لیں
اسے دھی اور پودینہ کے رائتہ کے ساتھ پیش کریں
پودینہ کا رائتہ اس طرح بنائیں کہ ایک کپ دھی کو پھنٹ کر نمک کالی مرچ پسی ھوئی ڈال کر باریک کٹا ھوا یا پسا ھوا پودینہ ڈال کر مکس کرلیں
یہ پراٹھے فریز کیئے جاسکتے ھیں لیکن دو دن سے زیادہ نہ رکھیں تو بہتر ھے
بس تھوڑی سی مہارت انھیں فولڈ کرنے میں ھوتی ھے دو تین بار بنانے پر آپ کو انشا اللہ بنانا آجائیں گے
Post a Comment