Tuesday 10 November 2015

Avoid Cold And Flu IN Winter. Try Best Home Remedies

Avoid Cold And Flu IN Winter. Try Best Home Remedies


Flu, cough and throat problem are commonly known as common cold. It is a common disease, that is why it is called common cold. It causes a virus infection. Common cold affects 3 to 10 days mostly, first three days is very painful for the patient. It first symptom is that throat problem and second sputum.

We can take lemon, ginger, garlic, ladyfinger, roots of bitter gourd, turmeric powder, tamarind and black pepper, and vitamin C for the best home remedies of Common cold. In this page, you can see the information and best home treatment about common cold ( Nazla aur Zukam Ka Ilaj) In Urdu and Roman Hindi.

It is common disease in human. Here are some natural tips and home remedies that you can use as soon as you feel better. So in this page we are going to discus about nazla zukam ka ilaj, cold and flu, treatment of nazla, cold and flu prevention, home remedies for nazla zukam, cold and flu symptoms.

Causes and Symptoms of Cold and Flu In Urdu:

Zukam ki awwaleen alamaat mein galey ki kharash aur naak ki naliyon mein balghami ijtema hai. Agracha marz aam taur par naak aur galey mein shuru hota hai, lekin yeh jism ke tamam hisson ko mutassir karta hai, is ki amomi alamat mein behti hui naak, cheenken, bukhar, sir dard, gale mein dukhan, sardi ka ehsaas, jism mein dard aur bhook ka ghayab hona hai. Nathno ke gird jild dukhne lagti hai.

Nazle zukam ka sabab virus ki zad mein aata hai. Tahum is ki shiddat mutasir fard ki amomi sehat aur mahaulyati awamil par munhasir hoti hai. Jismani kamzori, thand lag jana, neend ki kami, zehni dabao, thakawat, mahaul ke darja e hararat mein achanak tabdeeli, gardho gubhar, kharash peyda karne wali fiza mein saans lena wagherz, is marz ke asbaab mein numayan hain.

Cold and Flu Home Remedies In Urdu:

1.Lemon

Nazla zukam ke liye mutadid maussir gharelo ilaaj hain, jin mein lemon ka istemal top of the list hai. Yeh har tarha ke zukam mein jis mein bukhar bhi ho mufeed hai. Vitamin C se labrez lemon juice jismani madafat mein izafa karta hai. Zehrilapan kam karta hai aur marz ka dauraniya mukhtasir kar deta hai. Aik lemon ka juice neem garam pani ke aik glass mein dalein, is mashroob mein 1 tea spoon honey bhi shamil karlen, ise din mein aik ya 2 baar peena faiydemand hai.

2.Garlic - Lehsun

Zukam ki shiddat kam karne ke liye lehsun ka shorba peena aik qadeem ilaaj hai. Use daily aik dafa zaror peena chahiye. Shorba tayyar karne ke liye lehsun ke 3 ya 4 javey chote chote tukron mein cut karke aik cup pani mein boil karen. Lehsun (Garlic) mein jaraseem kash aur dafey tashanj ajzaa paey jate hain. Is sabzi mein maujood oil saans ki naliyon ko khol deta hai. Shorbey ki shakal mein is ka istemal zehriley maddon ko kharij kar deta hai. Chunache bukhar utar jata hai. Lehsun (Garlic) oil ke 5 drops aur 1 tea spoon onion water 1 cup pani mein mila kar din mein 2 ya 3 martaba peena mufeed rehta hai. Nazla o zukam ke shafi ilaaj mein ise bohat muassir paya gaya hai.

3.Ginger (Adrak):

Nazle, zukam aur khansi ke liye ginger ka istemal bhi aik umdah ilaaj hai. 10 gramke qareeb ginger ko chote chote tukron mein cut kar ke aik cup pani mein boil karen aur phir use chaan kar 1 tea spoon sugar is joshandey mein dalen aur garam garam piyen. Adrak ki tea tayyar karne ke liye boil hue pani mein tea dalne se pehle kuch dair tak ginger ke kuch pieces boil kar len. Yeh tea nazla zukam aur us ke natije mein lahaq hone wale bukhar ke liye bohat umdah medicine sabit hoti hai.

4.Lady Finger (Bhindi):

Gale ki kharash aur mustaqil khushk khansi ke ilaj ke liye yeh sabzi bohat karaamad hai. Bhindi (Lady finger) mein aesi gond paai jati hai. Jo kharash zaiyl karne ki maussir dawa hai. Is se soojan aur dard bhi khatam ho jate hain. 100 gram bhindi (lady finger) ko cut kar ke half liter pani mein boil kar len. Is joshande ki tayyari ke dauran boil hue pani se jo steam nikle, us mein din mein aik ya 2 dafa gehre saans liye jaey. Joshanda peene aur us ki bhaap soonghne se gale mein kharash aur khushk khansi door ho jati hai.

5.Roots of Bitter Gourd (Karele Ki Gadr):

Bitter gourd ke plants ki roots ko qadeem zamane se nazla, zukam mein awami ilaaj ki hesiyat hasil hai. 1 tea spoon bitter gourd ki roots ka paste isi miqdar mein honey ya tulsi ke patton ka juice mila kar daily raat ko aik maah tak peena nazla mein mufeed hai.

6.Turmeric Powder (Haldi):

zukam aur gale kikharash mein haldi bhi aik maussir dawa hai. Fresh haldi ka safoof half tea spoon 30 ml neem garam pani mein mila kar daily aik ya 2 dafa peena, mazkora kefiyaat ki islaah karta hai. Haldi (Turmeric) powder ko kisi garam bartan mein daal kar is mein doodh mix karen aur phir halki aanch par boil karen. Ab yeh doodh mareez kp pilaey. Behte hue zukam mein jalti hui haldi ka dhuwan saans mein lena, reshey ke ikhraaj ko tez kar ke forum araam o afaqaa deta hai.

7.Black Pepper and Tamarind (Imli aur Kali Mirch):

Imli aur kali mirch ke pani ki steam junobi Hindustan mein zukam ka behtreen ilaaj samjha jata hai. Imli ke 250 ml pani mein daal kar chand minute tak boil karen. Is mein 1 tea spoon garam ghee, half tea spoon kali mirch ka safoof daal kar mazeed chand minute aag par rakhen aur phir aag se utar kar us pani ki bhaap mein saans len. Aankhon aur naak se pani behne lagega aur band naak khul jaegi. Yeh bhaap din mein 3 martaba leni chahiye.

8.Vitamin C:

Doctor Lens Polling aik noble inaam yafta scientist hain, in ke mutabiq Vitamin C ka 75 mg daily istemal balighon ko aur 35 mg bachon ko zukam nazla se mehfooz rakhta hai. Agar pehle se marz ka hamla ho chukka ho to is vitamin ki ziyada miqdar marz ka dauraniya mukhtasir karte hue is se afaqaa deti hai. Doctor Mausoof ka andaza hai ke aik se 2 gram ( 1000 mg se 2000 mg ) tak daily vitamin C lena, is marz se nijaat deta hai. Wo advice dete hain ke nazla, zukam ki pehli alamat namudaar hone par 500 mg vitamin C ki aik ya 2 tablets nigal le aur yeh ilaaj jari rakhe.

9.Ghizaai Aehtiyat:

Marz ki shiddat mein jab ke bukhar bhi maujood ho to mareez ko thos chizaon se parhez rakhna chahiye aur sirf fruits aur vegetables ke juices apni mein mila kar peene chahiye. Shiddat kam ho jane par patient mutawazin ghizaey shuru kar sakta hai. Meat, fish, eggs, cheese aur nashastadaar ghizaon se gurez o parhez zarori hai.

Effective Tips:

1. Tips Number One:

Amrood ke taza pattey (leaf): 1 gram

Tarkeeb Tayari (Procedure):

180 mili liter pani mein amrood ke taza paton ko josh de kar ya boiled kar ke chhan lein. Aur es pani ko ksi bottle mein band kar ke rakh dein.

Tarkeeb Istamla (uses):

Nazla zukam (cold and flu) ki sorat mein es pani ka kuch maqdar din mein 2 baar lein marz mein afaqa hoga.

2. Tips Number Two:

Gul banafsha: 6 gram

Tarkeeb Tayari (Procedure):

120 mili liter pani mein gul banafsha ko josh (boil) de kar chan lein ab es pani ko ksi saf bottle mein rakh lein.

Tarkeeb Istamal:
Jab ap ko nazla zukam (cold and flu) ka marz la-haq ho tou ap esy khali pait din mein 2 baar lein. Nazla zukam ke marz mein afaqa hoga.

3. Tips Number Three:

Gehon ki bhosi: 6 gram
Kali mirch: 5 adad
Namak: 1 gram

Tarkeeb Tayari (Procedure):

120 mili liter pani mein in tinon chezon ko ubal kar chhan lein aur es pani ko ksi saf bottle mein rakh lein.

Tarkeeb Istamal (uses):

Nazla zukam (cold and flu) ki sorat mein es pani ka kuch maqdar din mein 2 bar piye, marz jata rahe ga.

4. Tips Number Four:

Dar-chini: 3 gram

Tarkeeb Tayari (Procedure):

Dar-chini ko 120 mili liter pani mein josh de kar chhan lein ab es pani mein hasb-e-zarorat chini mila kar mitha kar lien, ab es amezy ko aik saaf bottle mein rakh lein.

Tarkeeb Istamal (uses):


Es amezy ko tabeyat kharab (nazla zukam “cold and flu”) hone ki sorat mein din mein do baar piye. Nazla zukam se nijat mil jae gi.

Other Efforts:

Nazla o zukam ke ilaaj mein deegar mufeed iqdamaat mein halka phulka dhoop ka ghusal, taza hawa mein gehre saans lena, tez tez chalna, gehri neend aur mausam ke mutabiq mauzoo libaas pehanna apni adat banana chahiye, ta ke mausam ke utar charhao se tahaffuz muyassar rahe.

About the Author

Sajid

Author & Editor

Has laoreet percipitur ad. Vide interesset in mei, no his legimus verterem. Et nostrum imperdiet appellantur usu, mnesarchum referrentur id vim.

Post a Comment

 
Style In Life © 2015 - Designed by Templateism.com | Distributed By Blogger Templates