ناخن پالش کے استعمال سے کینسر کے خطرات بڑھ جاتے ہیں،ماہرین

ماہرین نے خبر دار کیا ہے کہ خواتین ہوشیاررہیں !ناخن پالش کے استعمال سے کینسر کے خطراتبڑھ جاتے ہیں،بات فیشن کی ہو اور ذکر ناخن پالش کا نہ ہو ایسا تو ممکن ہی نہیں لیکن بناؤ سنگھار کے اس اہم جز سے خواتین کو کرنا پڑے گا ذرا اجتناب کیونکہ ماہرین نے کر دیا ہے ایک خوفناک انکشاف۔جی ہاں امریکا میں ہونے والی ایک تحقیق کے دوران یہ بات سامنے آئی ہے کہ ہا تھوں کی خوبصورتی بڑھانے والی ناخن پالش انسان کو کینسر جیسی خوفناک بیماری میں بھی مبتلا کرسکتی ہے۔ تحقیق میں کہا گیا ہے کہ ناخن پالش میں موجود کیمیکل میں زہریلے عنصر پائے جاتے ہیں جو انسانی صحت پر انتہائی مضر اثرات مرتب کرتے ہیں جس سے کینسر کا خطرہ بڑھ جاتا ہے۔ کیلیفورنیا کی اسٹینڈ فورڈ یونیورسٹی کے ماہرین کا کہنا ہے کہ ناخن پالش میں موجود کیمیکل کینسر سے لے کر تولیدی عمل میں پیچیدگیوں جیسی بیماریوں کو جنم دیتا ہے کیونکہ ناخن کیئر مصنوعات میں زہریلے اور خطرناک اجزا موجود ہوتے ہیں جو کہ کینسر پیدا کرنے والے مرکب کی پیدائش کرتا ہے اور یہ جسم کے ہارمونز کے نظام کو تباہ کردیتا ہے۔ ماہرین کے نزدیک ان مصنوعات سے ایسی بیماریوں کے علاوہ تولیدی بیماریاں بھی جنم لیتی ہیں جن میں اچانک اور وقت سے پہلے بچے کی پیدائش کے ساتھ کم وزن کے بچے کی پیدائش جیسے مسائل کا سامنا بھی ہوسکتا ہے اس لیے خواتین کو ناخن پالش کے استعمال میں انتہائی احتیاط سے کام لینا چاہئے

ناخن پالش کے استعمال سے کینسر کے خطرات بڑھ جاتے ہیں،ماہرین

10:52 ناخن پالش کے استعمال سے کینسر کے خطرات بڑھ جاتے ہیں،ماہرین